رايك ايه بصراحة

السلام عليكم
بصراحة انا مش عارف ابدا منين انا هقولكم موقف حصل وانتوا بقى تحكموا
كان فيه واحد جارنا رفض انه بيشتغل فى صيدلية هنا فى مصر وعمل المستحيل علشان يسافر و سافر انجلترا
وبعد 4 او5 شهور والدى يا دوب قدر يوصله واتصل بيه
وبعد اما بابا خلص كلام معاه بسألة عامل ايه هناك بيشتغل ايه ؟
رد وقال بكل بساطة بيغسل اطباق فى مطعم
انا : ياه بقى رفض يشتغل هنا فى صيدلية وراح هناك يغسل صحون هما كدة المصريين زى القرع يمدو لبرة
طب بدل ما يتهان هناك ويغسل صحون طب ما يتهان هنا احسن بزمتك يابابا كان يرضى يشتغل الشغلة دى هنا؟
بابا : هو انتى عاملة اجر هنا زى هناك هناك اللى بيغسل صحون احسن من ....... وقال كلمة!!!
انا: وهو هنا زى هناك طب ماهناك بيقبضو فلوس كتير على قد العيشة هناك وهنا بيقبضوا فلوس على قد العيشة هنا وبعدين لما تبقى وسط اهلك وناسك وتتعب لبلدك احسن ما تتعب لحد تانى
ببا: سكت خالص الظاهر اقتنع بكلمى
المهم راح قايلى مش كفاية انهم بيعاملو المسلم زى المسيحى ( اه لقالو حاجة يبررلو موقفة بس على مين)
روحت انا قلتله ممكن يكونو بيعاملو المسلم زى المسيحى بس مابيعاملوش العربى زى غير العربى
والدى مشى وقال انتى مفيش فايدة من الكلام معاك انا اساسا غلطان انى قولتك
( الظاهر كدة بابا استسلم ورفع الراية البيضة )
واحنا عايزين مصر تتقدم ومش عارف ايه مصر عمرها ما هاتتقدم طول ما شبابها مش بيحبوها ومش عايزين يقعدو فيها
انا خلصت كلامى بس انتو ايه رأيكم ولو اتعرض عليكم تهاجروا هاتعملو ايه بس بصراحة

بصراحة موضوع الهجرة مرفوض شكلاً وموضوعا رغم الظروف القاسية التى يمر بها الشباب لان للغربة ايضاً ثمن ويجب على الانسان ان يدفعه مقدما من الاحساس بفقدان الاهل ودفء الجو الاسرى وكثير من التنازلات التى يجب عليك ان تتقبلها مرغما لانك لست ببلدك تعيش بين غرباء عنك فى كل شئ اذا كنت فى بلد اجنبى وحتى فى بعض البلاد العربية لن يفضلوك عن ابناء بلدتهم

ومهما تعملى فيا يا بلدى ومهما تقسى عليا
ارجع اشيلك جوه عيونى بمودة وحنية
وتسألونى ليه ده كله علشان إيه
علشان بلدى بتجرى فى دمى انا اصلى مصرية

شكرا لك اخى الفاضل على طرح هذا الموضوع المهم
تقبل منى كل تقدير واحترام

شكرا اختى الفاضلة على مرورك

ادينى بس تذكرة السفر وانت مش هتشوف وشى تانى يا دكتور أحمد حتى لو هسافر أبو زعبل بس المهم أسافر من البلد الى انا فيها دى